Hopp til innhold

Atlanterhavsvegen

I går vart det sykling til langt på kveld, så dermed vart det ingen blogg før no. Dagen starta surt med regn. For å unngå søkkvått telt seinare, valgte me å pakke innerteltet for seg.

Etter å ha sykla få kilometer, punkterte eg. Dermed vart det stopp for å skifte slange. Heldigvis hadde regnet gitt seg. Vidare sykla me retning Kristiansund og fant busstoppet utanfor Atlanterhavstunnelen. Her måtte me ringe fylkeskommunen for å bli henta av taxi. Det er forbudt å sykle gjennom tunnelen, men det er oppretta eit tilbod slik at ein betaler ein liten sum for å få skyss gjennom. I følge skiltet var det maks ein times venting. Etter å ha venta over ein time, ringte me opp igjen. Det viste seg at dei sleit med å finne sykkelstativ til taxien! Heldigvis dukka det snart opp ein bil, men ein del bortkasta tid.

Frå Atlanterhavstunnelen var ruta godt skilta. Me sykla på sørsida av Averøy. Deretter var det vidare på Atlanterhavsvegen. Stilig landskap, men dessverre var det ganske grått. Likevel, mange fine bruer og fint å sykle nesten heilt ute i havgapet. Her fulgte me Atlanterhavsvegen og kysten heilt til Bud.

Frå Bud sykla me endå ei mil før me klarte å finne ein plass å overnatte. Det regna og byrja å bli mørkt. I tillegg var det berre jordbruk langs vegen, så me leita ein stund før me fant noko. Til slutt tok me av langs ein tursti og fulgte den innover. Her dukka det opp ein stor og fin gapahuk. I følge oppslaget på veggen var denne til fri bruk. Me fekk akkurat plass til å ligge på den eine benken der. Dermed slapp me også å slå opp teltet. Vidare kan det meldes om eit nytt dyreinnslag på turen: grevling. Me såg også ganske mange hjort.

I dag har me fortsatt vidare langs kysten. Frå Hollingen tok me ferga over til Aukra. Ei veldig fin øy å sykle over. No er me på veg vidare til neste øy, Finnøya. Dessverre har det vore ganske grått i dag også. Og det er meldt endå meir regn i morgon.

5 kommentarer til “Atlanterhavsvegen

  1. Ivar

    Kjekk lesing og flott turskildring. Slike gapahuker skulle det vært mer av med jevne mellomrom på ruten deres. Flotte bilder dere legger ut. God tur videre. Håper været bedrer seg.

  2. Helen

    Velkommen til Vestlandet - og dessverre har det fantastiske sommerværet sagt takk for seg... Håper solen dukker opp igjen om ikke alt for lenge! Men uansett, alltid kjekt å lese turbeskrivelsen og se de flotte bildene!
    God tur videre langs Vestlandskysten!

  3. Marianne

    Bra at dere fikk rigget dere til i gapahuken. Kjekt å lese om de forskjellige dyrene dere ser. Jeg måtte sjekke kartet, og dere er virkelig ytterst på kysten! God tur videre sørover.

  4. Liv Arnhild Søbye Beddari

    Så kjekt å følge dere!! - og mange fine bilder 😊
    - Lykke & hell videre, uten punktering & regnvær!!

  5. Johanne

    Takk for det! Ja, den gapahuken var ordentlig kjekk. Skulle ønske det var satt opp slike heile vegen. Veldig flaks at me fant han!

Legg igjen en kommentar

Din e-postadresse vil ikke bli publisert. Obligatoriske felt er merket med *