Hopp til innhold

Inn i Sogn og Fjordane

I går vakna med opp på fergekaia i Hamnsund. Den fyrste båten vidare gjekk ikkje før 11.25. Dermed vart det ein rolig morgon. Då me kom til fergekaia kvelden før, traff me ei dame som lurte på kva me såg etter. Me fortalte at me skulle ta båten vidare og var på jakt etter teltplass. Ho sa at det var sonen hennar som eigde jordet ved kaia og at me berre måtte sette opp teltet der. Det einaste me måtte vere obs på var flått. Og flått var det nok av! Om morgonen kunne me telle 67 stykker som hadde satt seg på myggnettinga i teltet.

Det fyrste me gjorde i går var å ta hurtigbåt frå Hamnsund til Hareid. Herfrå bar det vidare forbi Ulsteinvik og over Gurskøy. Det me såg av landskapet var veldig fint. Fjell og fjordar. Dessverre var det lågt skydekke og regn, så det vart kun enkelte glimt innimellom.

Vidare tok me ferge frå Årvik til Koparnes. Her kom me i snakk med billettøren på ferga. Han var imponert over turen vår og syns at me har gjort eit godt stykke arbeid. Dermed spanderte han på oss ei svele også. Veldig hyggelig.

Denne dagen har stort sett alle måltid og pauser blitt gjennomført i busskur. Middagen bestod av laksepasta frå Fjordland. Kjekt med ein enkel middag når været er slik.

Frå Koparnes sykla me til Selje. No er me i Sogn og Fjordane. Planen var eigentlig å sykle ut til Måløy, men me droppa det sidan det var så grått. Dermed kunne me også ta morgonbåten frå Selje kl 06.50. No sitter me på hurtigbåt på veg til Krakhella. Det nærmer seg faktisk Bergen. Kanskje er me der allereie i morgon?

6 thoughts on “Inn i Sogn og Fjordane

  1. Marta

    God rute beskrivelse som gjør også oss bedre kjent med småsteder på Vestlandet Kjekt å følge dere på kartet Svelen var dere vel undt! Riktig god tur over fjorder og på vestlandsveiene!

  2. Inger

    Kjekt dere treffer på hyggelige folk underveis som gir dere svele. Vi gleder oss til besøk i morgen! Riktig god tur og velkommen skal dere være!

  3. Helen

    Kjedelig med så mye regn - godt det finnes skikkelige buss-skur!
    Svelene hadde dere virkelig fortjent!

Legg igjen en kommentar

Din e-postadresse vil ikke bli publisert. Obligatoriske felt er merket med *